B Grade – Page 2 – 驗樓專家

Posted on 27/10/2020
HKPPI 驗樓專家

The Consonance 維峯‧浚匯

The Consonance 維峯‧浚匯【驗樓專家】驗樓報告重點：維峯浚匯以一房開則為主，間格方正，部分單位房間間隔牆以拉趟門代替，空間佈局靈活。整體而言，主要瑕疵(defect) 係木飾面崩花、地台及外牆有少量空鼓，以及幕牆玻璃花痕等。單位手工其實唔錯，但每方面都有瑕疵，未能評為高分。木飾面崩花多單位以淺色木飾面配深色磚，崩花明顯覺眼，而且執油又欠缺色準，導致崩花位置一達達，需要重新執油。建築期間明顯保護不足，導致明角位置崩花尤其嚴重。舖磚空鼓崩花雖則全屋地台瓷磚空鼓比率唔高，多數位置於牆邊，但易容斷裂，需要灌漿或起過重舖。另外，磚飾面亦有崩花及污跡問題。而外牆紙皮石亦有空鼓現象。玻璃鏡面崩花近期Malibu上晒熱榜莫過於玻璃崩花問題，小業主尤其重視。幸好呢個樓盤玻璃幕牆及欄河玻璃崩花並唔多，部分嚴重瑕疵為花痕過長，可以以打磨方法處理，但留意修復後有冇出現「哈哈鏡」問題。另外，浴室鏡櫃鏡亦有崩點，不能修復，需要更換。發展項目承建商：光廸建築有限公司地點：業旺路101號

了解更多

Posted on 10/10/2020
HKPPI 驗樓專家

The Esplanade 弦海

The Esplanade 弦海【驗樓專家】驗樓報告重點：弦海以一房或 Studio Flat 開則，樓底比其他盤為高，間格一眼睇晒。整體而言，主要瑕疵(defect) 係幕牆玻璃飾面、潔具安裝及牆身鋪磚方面。幕牆玻璃多花痕大部單位只有一幅大幕牆玻璃及千秋窗，同時都發現大量花痕，長短不一，幸好崩點及焊漬較少，大致唔影響玻璃安全性。可惜露台欄河玻璃則出現較多崩點，亦較深，不能打磨修復，需要更換。水龍頭隻隻都鬆無論係開放式廚房抑或浴室，水龍頭都扭得唔夠緊，整個可以180度轉，導致漏水入櫃內。部分飾面亦有崩花現象，需要更換。牆身磚塊塊唔平一般牆身或地台鋪磚有輕微起級，都可以接受，或以掃口遮蓋，但呢度牆身鋪磚起級程度，就難以接受，部分高低起碼有3mm 或以上，需要更換。但企缸位置，可謂整又破壞防水層，唔整又礙眼。另外值得一提，部分單位浴室假天花内籠空間非常有限，鋪設喉管風喉困難，所以好容易出現折斷現象，導致浴室寶漏風，等同冇開一樣。發展項目承建商：海悅建築工程有限公司地點：業旺路101號

了解更多

Posted on 06/10/2020
HKPPI 驗樓專家

Sol City 朗城滙

Sol City 朗城滙【驗樓專家】驗樓報告重點：朗城滙手工屬於中規中矩，最主要問題喺玻璃崩花、外牆紙皮石空鼓、木地板崩花等等室內鋪磚手工錯，不但冇空鼓、崩花及起級現象，但室外紙皮石鋪砌，就強差人意多處發現空鼓，尤其是露台基座。另外，單位主要扣分位置係鋁窗及掩門玻璃身上，包括有崩花及雜質，鋁框亦欠整潔友及出現甩油情況。全屋木地板易出現不同大小崩花及污漬，相信木地板保護清除後，人工出入露台及作平台修葺時引致。「波打石」、木地板及分隔條都有起級不平情況，俗稱「撠腳位」，承建商通常以唧膠或抆灰遮蓋起級位置部分處理，減低「撠腳」情況。發展項目承建商：中國海外房屋有限公司地點：媽橫路1號

了解更多

Posted on 15/07/2020
HKPPI 驗樓專家

63 Pokfulam

63 Pokfulam【驗樓專家】驗樓報告重點：單睇屋苑範圍就知則師就用料方面花左啲「心思」，但手工配唔配合到呢？就要睇承建商監工功夫足唔足夠！驗收單位乾淨企理，而屋苑外牆採用幕牆玻璃減少貼紙皮石嘅手工，但鋁冚明顯有不同程度嘅甩色及崩花，尤其是低層住戶，統一安排吊船將所有外牆鋁冚省灰執色。玻璃飾面問題不大，只有輕微花痕，而且不明顯。單位室內鋪砌算係中上水平，只有少部分單位有空鼓嘅現象，位置靠近露台。露台及工作平台牆身紙皮石鋪砌亦十分妥當，甚少空鼓，但掃口有明顯缺口及磚面有鏽漬。要挑剔係室內門飾面，比較多壓痕，而門腳有披口嘅現象。踢腳板唧膠有離罅嘅現象，但不嚴重。另外，最差就係開放式廚房水龍頭及星盆嘅安裝，不單只水龍頭鬆，而且隔氣滿水口喉管接駁都有心滲漏，明顯承建商試水唔夠仔細。浴室主燈設計欠缺周詳，燈光非常昏暗，假天花石膏板油漆非常薄，有透底嘅現象。發展項目承建商：九建工程有限公司地點：薄扶林道63號

了解更多

Posted on 01/07/2020
HKPPI 驗樓專家

Centra Horizon 海日灣II

Centra Horizon 海日灣II【驗樓專家】驗樓報告重點：海日灣II比預期早咗半年收貨，咁趕之下究竟質素如何呢？疫情都比較嚴重，所以業主尤其關心隔氣嘅設施，為咗避免隔氣乾涸，業主應入屋後，最好先倒水落地台去水口，避免開冷氣或抽風設備連帶屋外細菌異味而抽入屋內，但千防萬防萬萬唔到承建商漏裝隔氣，導成間屋異味濃烈，尤其是係近平台嘅單位，呢個係一個嚴重嘅defect。另一個重災區就係浴室潔具坐廁水箱，全部未清沙泥，導致坐廁內一條條黃色沙泥烘十分令人側目。屋苑採用幕牆玻璃及鋁冚，雖則檢查項目較少，但玻璃污漬、水烘及膠漬甚多，令檢查玻璃崩花非常困難。窗框槽去水口亦欠造，導致積水未能排走。另外，浴室外牆嘅喉碼窿縫隙較大，需要抆灰避免滲水入紙皮石內。其他項目，如：鋪磚、牆身批盪、油漆等，尚算中上。發展項目承建商：顯利工程有限公司地點：創新路 18 號

了解更多

Posted on 12/06/2020
HKPPI 驗樓專家

eResidence 煥然懿居

eResidence 煥然懿居【驗樓專家】驗樓報告重點：近期Downtown 38、煥然懿居同屬市建局重建項目，正所謂冇比較冇傷害，相信唔少業主都感受到，但亦都有讚嘅設施。雖然飾面污漬佔驗樓其中部一個項目，但單位嘅整潔度會直接影響業主嘅觀感。煥然懿居承建商真係有待改善，地台磚面多油漬，部分門扇窗面都有省灰漬，希望喺細清程序多加留意。先講窗玻璃，不但多崩花，而且崩嘅有一定深程度，加上有雜質，包括：氣泡及白烘，保護及檢查應多加留意。窗框窗扇崩花多，亦需要重新省灰噴油。窗台石亦見空鼓，需要「打針」處理。另外，開放式廚房抽油煙機風喉有漏風現象，出現嘅位置喺機身及風喉嘅接駁位，需要打開生口檢查。石膏板假天花並冇設計生口，如果風喉有破損或者要更換係非常困難做到。露台外牆紙皮石有空鼓而掃口唔夠飽滿現象，但有值得讚既設備，天花頂加咗一個可升降嘅晾衫架係私人屋苑少見嘅。不過浴室設計就略嫌欠缺周詳，浴屏門鉸位採用有缺口嘅膠條而唔係全包邊，而且浴屏門檻冇做斜水U槽，淋浴時會有滲漏到地台嘅情況。發展項目承建商：金門建築有限公司地點：鶴園街8號

了解更多

Posted on 13/05/2020
HKPPI 驗樓專家

Downtown 38

Downtown 38【驗樓專家】驗樓報告重點： Downtown 38係由新鴻基旗下嘅承建商興建，當然手工質素有一定嘅保證，亦都與最近白石角雲匯不相伯仲。屋苑主打開放式廚房，無論係三房抑或兩房亦如是。值得一讚嘅驗收項目係鋁窗掩門嘅玻璃，極少崩花及氣泡，唧膠(窗框外瓦更換後忘記補膠)及防水膠邊安裝妥當，無明顯鬆脫。窗扇門扇亦冇虛位，並且冇發現任何滲漏及漏風嘅現象，只係部分鋁框及壓條有崩花及彎曲現象。另外，鋪磚亦無不妥，只係發現少量空鼓及欠掃口及藏水嘅問題。平台單位平台地台斜水嚴重不足，導致地台床藏水，雨季容易滋生蚊蟲。全部檢驗單位之中發現有一個同樣問題，浴室嘅洗手盆龍頭虛位，導致滲漏入地櫃(如果驚師傅收爆洗手盆)，應在水龍頭邊唧膠固定代替。另一個值得提嘅就係承建商「貼心」嘅舉動，將所有天花石膏板螺絲全部抆灰，導致唔能夠打開生口檢查，抽油煙機風喉、喉管等設施未能檢查(不禁會問一個問題：生口唔能夠打開叫咩生口？)。發展項目承建商：駿輝建築有限公司地點：北帝街38號

了解更多

Posted on 08/04/2020
HKPPI 驗樓專家

Solaria 嘉熙

Solaria 嘉熙【驗樓專家】驗樓報告重點：三、四月雲匯及嘉熙參唔多時收樓及驗收，質素雖則不能直接比較，但論工程監督卻有高低之分。屋苑整體而言中規中矩，防漏功夫及舖砌手工合格，但整潔度及飾面保護方面認真「麻麻地」。門檻石、枱面石以及櫃身多處崩花，而且執色功夫粗糙馬虎。尤其是櫃飾面採用焗漆，崩花執色相當明顯。另外，整個單位，建築廢料通處都有，牆身、窗框、電器、櫃內水喉等都有大大少少「泥屎」黐在表面(其實只要在未乾之前有手尾抹一抹)，增加清處造成的崩花。發展項目承建商：Gammon Engineering & Construction Company Limited (金門) 地點：科進路16號

了解更多

Posted on 25/03/2020
HKPPI 驗樓專家

St. Martin 雲滙

St. Martin 雲滙【驗樓專家】驗樓報告重點：今年繼晉海後，另一個相同發展商的樓盤，但不同承建商處理，驗樓質素會唔會有分別呢？呢個屋苑飾面上處理比較好，無論櫃、門扇及玻璃都甚少崩花。但舖磚方面就扣分不少，尤其是大單位廚房工作間，幾乎腳線全部空鼓，浴室、露台及工作平台地台瓦掃口欠飽滿。開放式單位，業主則留意抽油煙機﹐不少單位假天花內風喉有斷裂及缺口。最近﹐開放式廚房的單位都驗出抽油煙風喉斷裂，各個承建商認真要考慮有關假天花的喉管擺位，避免因「難落手」導致上述的問題出現。發展項目承建商：新輝城建工程有限公限司地點：科進路12號

了解更多

Posted on 24/03/2020
HKPPI 驗樓專家

Twin Regency 映御

Twin Regency 映御【驗樓專家】驗樓報告重點：映御驗樓質手素中游位置，問題集中於窗框防水膠條及門扇緊閉程度。無論是窗扇及掩門框都有鬆脫及過短的情況，易容透過缺口攝水入室內。工作平台掩門關閉時有虛位，同樣易容透過罅隙攝水入室內。另外，體現工程監督質素，就要留意地台分隔條有沒有起級，因為木板碰瓷磚以及中間的分隔條，若能造平，證明幾個行頭師傅都有跟標準做，亦考驗監督有沒有偷懶。發展項目承建商：新輝城建工程有限公限司地點：德業街11號

了解更多