B Grade – 驗樓專家

Posted on 08/06/2022
HKPPI 驗樓專家

The Grand Marine 明翹匯

The Grand Marine 明翹匯【驗樓專家】驗樓報告重點：【驗樓專家 HKPPI】總結 The Grand Marine 明翹匯驗樓報告重點：今次驗樓總結黎到青衣南明翹匯，檢驗單位都係一房或以上，主要瑕疵集中在批盪、外牆收口及玻璃保護等方面。在檢驗項目之首，必然要開冷暖氣，令室內模擬日常生活溫差所造成物料熱脹冷縮嘅問題，唔難發現批盪出現收水裂紋。如果承建商預先「煲」1-2日冷氣，再進行修復，交樓時就唔會出現周圍都係裂紋。另外，外牆或戶外手工略嫌欠缺仔細，當中包括唧膠欠清底，導致起泡及離口；瓦仔有空鼓及掃口欠飽滿；戶外燈邊縫隙較闊等。玻璃某座向出現較多崩花，普遍淺層花痕，一般打磨即可處理。發展項目承建商：#佳盛建築有限公司地點：#細山路18號

了解更多

Posted on 24/03/2022
HKPPI 驗樓專家

Aquila · Square Mile 利奧坊．曦岸

Aquila · Square Mile 利奧坊．曦岸【驗樓專家】驗樓報告重點：驗樓專家 HKPPI】總結 Aquila · Square Mile 利奧坊．曦岸驗樓報告重點：利奧坊樓盤系列已經第三轉檢驗，感覺樓盤手工係越來越好，可能之前承建商評價不錯，又有同類型承建經驗，室內飾面瑕疵的確並唔多，瑕疵主要集中唧膠部分。室內飾面瑕疵出現崩花，係常見現象，問題係數量多寡及範圍大小，在曦岸樓盤處理飾面保護相當唔錯。另一方面，幕牆及露台趟門玻璃保護也是不錯，崩花瑕疵並唔多，偶爾發現一整塊玻璃出現多條花痕，需要重新打磨。不過值得留意，唧膠方面略欠細心，尤其是近水地方，大部分單位都出現的瑕疵：1. 浴室熱水爐掣面欠唧膠固定；2.露台燈邊欠唧膠收口；3.幕牆玻璃框外紙皮石邊欠唧膠收口。一來影響電力的安全性，二來影響防水效能。最後，業主多加留意鋅盆滿水口位置，排水管接駁鬆脫，容易出現滲漏，一個不留神水溢出地台，而且地台去水又藏入地櫃深處，導致難於清理及排走積水。發展項目承建商：#恒達建築有限公司地點：#福澤街38號

了解更多

Posted on 08/09/2021
HKPPI 驗樓專家

Emerald Bay 珺瓏灣

Emerald Bay 珺瓏灣【驗樓專家】驗樓報告重點：【驗樓專家 HKPPI】總結 Emerald Bay 珺瓏灣驗樓報告重點：珺瓏灣分開兩期收樓，第一期大約6月份開始，而第二由9月頭開始，整體各個驗收項目有明顯改善，尤其係木飾面保護及其執色部分。其實現時好少發展局「大膽」使用牆紙作為交樓標準，因為都幾「蝦」師傅手工及心機，貼得唔好仲衰過髹油。驗收牆紙一般要留意駁口及收口有冇披口、有冇氣泡及平整度等。大體上承建商處理得不錯，但腳線及天花碰口若然能收膠遮蓋容易披口位置會更好。第一期木飾面保護認真麻麻地，多處崩花而且執色又粗糙明顯。另外，紙皮石及地台磚亦如同，崩花、空鼓、掃口欠飽滿都唔難發現。潔具安裝方面，亦欠細心，常見的浴室水龍頭欠收緊，開放式廚房水龍重力球受阻礙，導致伸縮回彈不良。另外，玻璃瑕疵不算多，偶爾發現花痕、崩點及焊跡，需要打磨處理。發展項目承建商：中國海外房屋工程有限公司地點：管翠路8號

了解更多

Posted on 19/08/2021
HKPPI 驗樓專家

The Campton

The Campton【驗樓專家】驗樓報告重點：【驗樓專家 HKPPI】總結 The Campton 驗樓報告重點：整體各個驗收項目評分屬於良好，但玻璃及油漆批盪項目瑕疵較多，以及單位清潔情況認真麻麻。無論外牆以及室內，表面都遍佈油跡、灰、泥漿等，大大影響驗收觀感，細清項目有待改善。另外，最多瑕疵係玻璃項目，不單止有崩花，而且又長又深，甚至出現多處焊跡，影響玻璃結構安全，大部分建議更換。而牆身批盪及油漆瑕疵亦較多，部分「西斜」單位，收水裂紋遍佈牆身多處，空鼓亦較多。發展項目承建商：Build King Construction Limited 地點：福榮街201號

了解更多

Posted on 18/05/2021
HKPPI 驗樓專家

Wetland Seasons Park

Wetland Seasons Park【驗樓專家】驗樓報告重點： Wetland Seasons Park已經包括平台、中層及天台單位，整體質素屬於優良，部分座數舖瓦及玻璃驗收項目都比較差，部分單位潔具喉管接駁都有滲漏。所有單位窗戶安裝及鋁飾面都不多瑕疵，唯獨部分玻璃比較多崩花，崩點有大有小，有啲崩點甚至直徑大過3、4mm，屬於不及格，需要更換。防水方面，窗戶都冇發現虛位及漏風問題，膠邊亦冇破捐，唯獨欄河夾口及玻璃夾口唧膠出現起泡，起泡地方亦有鏽水漬。另外，外牆舖瓦手工亦出唔少問題，尤其花園及天台位置，都出現不少空鼓及斷裂嘅紙皮石。花園圍牆舖瓦手工問題更甚，不少瓦仔都出現鬆脫、斷裂及空鼓(業主其實唔難發現，輕輕一挑，就鬆脫)。最後值得留意係潔具喉管接駁，發現滲漏，實屬少見。外露隔氣及接地喉管，滿水流過，唔難發現滲漏痕跡。發展項目承建商：駿輝建築有限公司地點：濕地公園路9號

了解更多

Posted on 26/04/2021
HKPPI 驗樓專家

YOO 18 BONHAM

YOO 18 BONHAM【驗樓專家】驗樓報告重點： YOO 18 BONHAM以單幢複式單位為主，檢驗單位已包室內裝修，用料設計時尚高雅，但部份略嫌欠恰當，驗收項目部分得分較低。單位大部分玻璃都出現大量花痕，包括趟門、欄河及幕牆，雖然未有出現「子彈窿」，但花痕嘅數量好似「落雨水痕」一樣多，幸好不涉及安全問題，師傅耐心打磨便可解決。令人費解係屋苑不設吊船，但偏偏大部分窗都係幕牆玻璃，維修起來非常麻煩，日後清潔又係另一個問題。大部分牆身都有木飾面遮蓋，只能憑經驗及儀器判斷批盪質素，但外露天花批盪則出較嚴重空鼓問題，需要「起底」處理。地台及梯級舖貼石材都欠細心，有空鼓及起級問題，空鼓範圍都大過100x100mm，而起級都達2mm。浴室部分設計略嫌欠恰當，水手盆位置插蘇位，現時有幾何仲係用圓腳？射燈又點會放企缸腰間位置？發展項目承建商：新豪建築有限公司地點：般咸道18號

了解更多

Posted on 17/03/2021
HKPPI 驗樓專家

LP6

LP6【驗樓專家】驗樓報告重點：已驗收數十間一房開放式、兩房及三房梗廚單位，以Malibu同一個承建商黎講，瑕疵(Defects)明顯少左好多，最顯著少左好多「防彈玻璃」，但外牆瑕疵部分仍然多，唔好好處理，容易引致滲漏隱患。單位玻璃整體崩花唔算多，但部分窗扇安裝出現虛位及有漏風問題。反而窗框保護不足，比較多崩花執色問題。另外，露台及工作平台掩門則留意五金裝嵌細節，如：氣鼓Lock位暢順與否、天地鎖位置是否對準鎖窿等等。掩門虛位亦要留意，部分關上時甚至連手指都攝到罅位，除咗涉及滲漏問題，而且出現小朋友安全問題，分分夾到手指。露台燈燈罩邊位離罅，並非每座都有唧膠處理，雨季有機會攝水導致跳掣。外牆除咗一般紙皮石空鼓及掃口不飽滿經常出現嘅問題之外，就係預製件夾口冇唧膠及冇黐紙皮石，甚出現大㝫，容易構成滲漏隱憂。業主其實唔難發現，望一望外牆，就見到，最難就冷氣機平台，通常係「豬腸」底。另外，電熱水爐溫度控制器，九成出現連接不良，甚至連接唔到，業主們收樓記得試一試。發展項目承建商：協興建築有限公司地點：康城路1 號

了解更多

Posted on 08/03/2021
HKPPI 驗樓專家

Reach Summit 尚悅・嶺

Reach Summit 尚悅・嶺【驗樓專家】驗樓報告重點：「尚悅．嶺」位於在大棠路99A號，鄰近「尚悅」以及「蝶翠峰」。屋苑分1、2座，面積介乎約170 - 380呎之間，由開放式至兩房單位均有提供。驗樓方面，整體評分尚可瑕疵(Defects)集中於窗戶玻璃、潔具安裝、瓷磚鋪設等。幕牆玻璃多花痕按國家標準，每平方米玻璃可接受四條100mm以下的花痕，部分幕牆玻璃明顯出現唔少花痕，需要承建商安排更換，幸好崩點出現情況並唔多。另外，亦有單位玻璃出現雜質及焊點，建議最好更換整塊玻璃，免受熱膨脹而破裂。客飯廳玻璃窗有雜質客飯廳的玻璃窗也出現雜質，而且形狀密密麻麻，建議最好整塊更換，因為最擔心內藏雜質如金屬，受熱膨脹會迫爆玻璃。至於更換玻璃時，究竟是在室內更換，還是需在外牆搭棚更換呢? 鍾SIR相信，窗師傅會想方法，但通常安裝吊船處理。廚房喉管潔具欠細心 Studio Flat及一房單位開放式廚房均出現洗衣機來水喉閘掣都有滲漏問題，業主務必留意。另外，鋅盆滿水口喉管都有鬆脫情況，其實單靠一條鐵線箍住，會好易脫離駁口。鋪瓷空鼓多地台採用木紋磚，空鼓集中出現牆角位置，運用鑽窿灌漿較為簡單，但留意修復情況及執色效果。另外，值得注意浴室採用單軌趟拉門，鎖口經常出現不對位，導致難於上鎖，業主除了留意飾面崩花之外，亦要嘗試一下。題外話，經濟要「內循環」，估唔到抽油煙機都要，其實假天花略為修改一下設計，有足夠空間安裝風喉抽油煙出街外，就唔駛出現呢個反智設備。發展項目承建商：恒麗建築有限公司地點：大棠路99A號

了解更多

Posted on 22/02/2021
HKPPI 驗樓專家

Novum Point 君譽峰

Novum Point 君譽峰【驗樓專家】驗樓報告重點：驗收以一房開放式廚房為主，瑕疵(Defects)集中在外牆及鋁窗安裝上，木器、鋪磚及潔具安裝等都較好。部分單位睡房鋁窗關閉時出現虛位及漏風現象，雖則戶外試水時未有滲漏跡象，但亦都要處理，避免因防水膠老化而導致滲水。露台趟門亦有相關問題，虛位空隙甚至攝入半疊memo紙，當然試水亦有滲漏。另外，外窗台紙皮石出現較多空鼓，部分紙皮石敲擊時亦出現輕微鬆脫及掃口脫落現象。致於室內，幸好只有牆身磚出現輕微空鼓。現時承建商解決門扇虛位，都會係門框上加膠粒，但往往忽略膠粒厚度，導致門扇未能順手關上及鎖口不對位嘅問題。開放式廚房採用內循環嘅抽油煙機，究竟係咪有效阻隔及淨化煮食時油煙真係不得而知？假天花及假陣都有空間，為何唔裝風喉抽出室外呢？答案都離不開一個字。發展項目承建商：光迪建築有限公司地點：馬寶道3號

了解更多

Posted on 14/11/2020
HKPPI 驗樓專家

Altissimo 泓碧

Altissimo 泓碧【驗樓專家】驗樓報告重點：泓碧以中低密度建築群為主，單位開則是正，驗收單位以開放式廚房為主，素質尚可。瑕疵主要遍佈潔具安裝、廚櫃、舖磚等。其實只要簡單檢查一下潔具穩固情度，唔難發現潔具安裝鬆脫及接駁位滲漏問題，尤其係水龍頭及花灑喉位置，甚至連花灑頭都忘記安裝。廚櫃枱面石較大嘅開放式廚房，要留意枱面石頭尾有冇落釘膠之餘，但中間通常忘記唧，導致枱面石中間出現欠貼緊及處位。地台去水隔亦出現淤塞，需要更換。露台牆身紙皮石有空鼓，掃口亦出現不飽滿。欄杆飾面多泥屎，亦有多處崩花，需重新省灰噴油。發展項目承建商：中國海外房屋工程有限公司地點：耀沙路1號

了解更多