Archives: Portfolio

The Grand Marine 明翹匯
The Grand Marine 明翹匯【驗樓專家】驗樓報告重點： 【驗樓專家 HKPPI】總結 The Grand Marine 明翹匯 驗樓報告重點： 今次驗樓總結黎到青衣南明翹匯，檢驗單位都係一房或以上，主要瑕疵集中在批盪、外牆收口及玻璃保護等方面。 在檢驗項目之首，必然要開冷暖氣，令室內模擬日常生活溫差所造成物料熱脹冷縮嘅問題，唔難發現批盪出現收水裂紋。如果承建商預先「煲」1-2日冷氣，再進行修復，交樓時就唔會出現周圍都係裂紋。 另外，外牆或戶外手工略嫌欠缺仔細，當中包括唧膠欠清底，導致起泡及離口；瓦仔有空鼓及掃口欠飽滿；戶外燈邊縫隙較闊等。玻璃某座向出現較多崩花，普遍淺層花痕，一般打磨即可處理。 發展項目承建商：#佳盛建築有限公司 地點：#細山路18號
了解更多
Enchantee 尚璽
Enchantee 尚璽【驗樓專家】驗樓報告重點： 【驗樓專家 HKPPI】總結 Enchantee 尚璽驗樓報告重點： 最近好多市區樓盤陸陸續續收樓，以往經驗臨近農曆新年前收樓，反映手工都係強差人意，正正呢個樓盤前後都有對比。 新年前檢驗尚璽嘅時候，真係非常驚嚇，室內出現大量昆蟲屍體都冇清理，唔明點解好大都係新樓，狀態好似好耐冇租出去噤。昆蟲除咗從窗外飛入，主要原因係由於地台去水隔氣乾涸，冇咗水封，昆蟲就從喉管飛入室內，所以唔難發現一入屋或開抽油煙機時，聞到異味。 講返重點，手工瑕疵主要出係：1.幕牆玻璃框唧膠馬虎；2.潔具安裝粗疏 3.牆身批盪油漆粗糙。窗框無論室內外唧膠，唔係漏唧，就係唧得唔夠飽滿(可能外行人都唧得靚過佢)， 極度影響防漏效果，而且框又多崩花， 簡直不堪入目。   潔具安裝方面又係另一個重災區，單單鋅盆位置已出現好幾種問題，包括：水龍頭安裝鬆脫；盆邊欠唧膠；上水掣未能扭開等等。最離譜，係鋅盆去水用大陸制式，冇左隔氣功能。另一方面，浴室座廁上水掣又漏水，底又欠唧膠收口，而糞渠幅牆地台位置貼少塊磚。地台一濕水，就流入果缺口， 影響防水層嘅耐用。 至於批盪油漆手工，都係裂紋較多、掃痕明顯、新舊油色差大。   發展項目承建商：#漢達建築有限公司 地點：#大角咀道247號
了解更多
Aquila · Square Mile 利奧坊．曦岸
Aquila · Square Mile 利奧坊．曦岸【驗樓專家】驗樓報告重點： 驗樓專家 HKPPI】總結 Aquila · Square Mile 利奧坊．曦岸驗樓報告重點： 利奧坊樓盤系列已經第三轉檢驗，感覺樓盤手工係越來越好，可能之前承建商評價不錯，又有同類型承建經驗，室內飾面瑕疵的確並唔多，瑕疵主要集中唧膠部分。 室內飾面瑕疵出現崩花，係常見現象，問題係數量多寡及範圍大小，在曦岸樓盤處理飾面保護相當唔錯。另一方面，幕牆及露台趟門玻璃保護也是不錯，崩花瑕疵並唔多，偶爾發現一整塊玻璃出現多條花痕，需要重新打磨。 不過值得留意，唧膠方面略欠細心，尤其是近水地方，大部分單位都出現的瑕疵：1. 浴室熱水爐掣面欠唧膠固定；2.露台燈邊欠唧膠收口；3.幕牆玻璃框外紙皮石邊欠唧膠收口。一來影響電力的安全性，二來影響防水效能。 最後，業主多加留意鋅盆滿水口位置，排水管接駁鬆脫，容易出現滲漏，一個不留神水溢出地台，而且地台去水又藏入地櫃深處，導致難於清理及排走積水。 發展項目承建商：#恒達建築有限公司 地點：#福澤街38號
了解更多
Emerald Bay 珺瓏灣
Emerald Bay 珺瓏灣【驗樓專家】驗樓報告重點： 【驗樓專家 HKPPI】總結 Emerald Bay 珺瓏灣驗樓報告重點： 珺瓏灣分開兩期收樓，第一期大約6月份開始，而第二由9月頭開始，整體各個驗收項目有明顯改善，尤其係木飾面保護及其執色部分。 其實現時好少發展局「大膽」使用牆紙作為交樓標準，因為都幾「蝦」師傅手工及心機，貼得唔好仲衰過髹油。驗收牆紙一般要留意駁口及收口有冇披口、有冇氣泡及平整度等。大體上承建商處理得不錯，但腳線及天花碰口若然能收膠遮蓋容易披口位置會更好。 第一期木飾面保護認真麻麻地，多處崩花而且執色又粗糙明顯。另外，紙皮石及地台磚亦如同，崩花、空鼓、掃口欠飽滿都唔難發現。 潔具安裝方面， 亦欠細心，常見的浴室水龍頭欠收緊，開放式廚房水龍重力球受阻礙，導致伸縮回彈不良。 另外，玻璃瑕疵不算多， 偶爾發現花痕、崩點及焊跡，需要打磨處理。 發展項目承建商：中國海外房屋工程有限公司 地點：管翠路8號
了解更多
The Campton
The Campton【驗樓專家】驗樓報告重點： 【驗樓專家 HKPPI】總結 The Campton 驗樓報告重點： 整體各個驗收項目評分屬於良好，但玻璃及油漆批盪項目瑕疵較多，以及單位清潔情況認真麻麻。無論外牆以及室內，表面都遍佈油跡、灰、 泥漿等，大大影響驗收觀感， 細清項目有待改善。 另外，最多瑕疵係玻璃項目，不單止有崩花，而且又長又深， 甚至出現多處焊跡，影響玻璃結構安全，大部分建議更換。而牆身批盪及油漆瑕疵亦較多，部分「西斜」單位，收水裂紋遍佈牆身多處，空鼓亦較多。 發展項目承建商：Build King Construction Limited 地點：福榮街201號
了解更多
L’Aquatique 逸璟．龍灣
L'Aquatique 逸璟．龍灣【驗樓專家】驗樓報告重點： 七、八月一般係驗樓旺季，由凱匯、珺瓏灣、家壹、本木都陸陸續續開始驗收，其實大型承建商處理瑕疵基本上問題不大，亦知現時驗樓Take Defects Standard去到邊， 控制瑕疵喺飾面崩花上。當然有部分承建商對瑕疵處理程度有待改善，驗收逸璟龍灣嘅單位可見一斑。 整個單位瑕疵量比較多， 甚至乎用「整一半唔整一半嚟」嚟形容，浴室多樣部件都有安裝鬆脫嘅瑕疵，包括：花灑架、水龍頭、拉手、熱水爐控制器等等， 甚至乎輕輕一推，已經喺成個跌出嚟。 其實只要地盤監工輕輕一推，唔難發現此類型瑕疵。另外，直得一提，坐廁排污渠穿地台窿應該填封，避免地台去水長期積聚， 削弱地台防水層嘅保護性。 假天花內風喉 水管接駁冇問題，但其中一個單位打開假天花時， 竟然有成條廢氣水喉跌咗落嚟， 好彩冇 人受傷， 其實好多師傅順手留低一啲建築廢料煙頭，都係常見嘅現象，但咁大條水管都係第一次見。 牆身批盪及窗戶部件，瑕疵亦係重災區， 油漆不單止粗糙、多污漬及掃口， 批盪出現大量裂紋及空股。玻璃崩花多，同時有大量焊跡，需要打磨及更換， 避免影響玻璃安全性。 露台 欄河扶手易出現多處銹跡， 證明不銹鋼並唔係「不銹」。 當然仲有好多不同部件瑕疵， 不一一列舉，業主自行檢亦不難發現。 發展項目承建商：林陳簡建築師有限公司 地點：青山公路青龍頭段108 號
了解更多
Wetland Seasons Park
Wetland Seasons Park【驗樓專家】驗樓報告重點： Wetland Seasons Park已經包括平台、中層及天台單位，整體質素屬於優良，部分座數舖瓦及玻璃驗收項目都比較差，部分單位潔具喉管接駁都有滲漏。 所有單位窗戶安裝及鋁飾面都不多瑕疵，唯獨部分玻璃比較多崩花，崩點有大有小，有啲崩點甚至直徑大過3、4mm，屬於不及格，需要更換。防水方面，窗戶都冇發現虛位及漏風問題，膠邊亦冇破捐，唯獨欄河夾口及玻璃夾口唧膠出現起泡，起泡地方亦有鏽水漬。 另外，外牆舖瓦手工亦出唔少問題，尤其花園及天台位置，都出現不少空鼓及斷裂嘅紙皮石。花園圍牆舖瓦手工問題更甚，不少瓦仔都出現鬆脫、斷裂及空鼓(業主其實唔難發現，輕輕一挑，就鬆脫)。 最後值得留意係潔具喉管接駁，發現滲漏，實屬少見。外露隔氣及接地喉管，滿水流過，唔難發現滲漏痕跡。 發展項目承建商：駿輝建築有限公司 地點：濕地公園路9號
了解更多
Artisan Garden 瑧尚
Artisan Garden 瑧尚【驗樓專家】驗樓報告重點： 瑧尚室內設計物料如同系列柏蔚山、瑧頤等類同，算是自成一格。至於驗收方面，都能保持 一貫嘅水準，只有部分項目扣分。 驗收以一房及兩房為主，全屋飾面及整潔都屬於高水準，只有少部分執色比較粗糙，相信建築期間保護做得唔錯。開放式廚房櫃只有部分櫃門裝斜及起級，需要調整門鉸，或櫃邊出現離罅，唧膠遮蓋便可。 地台鋪磚略欠細心，發現空心鼓情況，需要灌 漿處理。露台及工作平台紙皮石鋪砌手工不錯，未有發現空心、裂紋及不平情況。 露台戶外燈都發現幾盞有離罅情況，甚至有鬆脫，需重新扭緊唧膠填縫，避免攝入雨水跳制。 另外，值得一提設計心思， 幾乎所有栓口都能夠輕易打開及關上， 有別於其他發展商設計嘅栓口鎖上螺絲，難於檢查。 發展項目承建商：協盛建造有限公司 地點：九龍城道68號
了解更多
YOO 18 BONHAM
YOO 18 BONHAM【驗樓專家】驗樓報告重點： YOO 18 BONHAM以單幢複式單位為主，檢驗單位已包室內裝修，用料設計時尚高雅，但部份略嫌欠恰當，驗收項目部分得分較低。 單位大部分玻璃都出現大量花痕，包括趟門、欄河及幕牆，雖然未有出現「子彈窿」，但花痕嘅數量好似「落雨水痕」一樣多，幸好不涉及安全問題，師傅耐心打磨便可解決。令人費解係屋苑不設吊船，但偏偏大部分窗都係幕牆玻璃，維修起來非常麻煩，日後清潔又係另一個問題。 大部分牆身都有木飾面遮蓋，只能憑經驗及儀器判斷批盪質素，但外露天花批盪則出較嚴重空鼓問題，需要「起底」處理。 地台及梯級舖貼石材都欠細心，有空鼓及起級問題，空鼓範圍都大過100x100mm，而起級都達2mm。 浴室部分設計略嫌欠恰當，水手盆位置插蘇位，現時有幾何仲係用圓腳？射燈又點會放企缸腰間位置？ 發展項目承建商：新豪建築有限公司 地點：般咸道18號
了解更多
LP6
LP6【驗樓專家】驗樓報告重點： 已驗收數十間一房開放式、兩房及三房梗廚單位，以Malibu同一個承建商黎講，瑕疵(Defects)明顯少左好多，最顯著少左好多「防彈玻璃」，但外牆瑕疵部分仍然多，唔好好處理，容易引致滲漏隱患。 單位玻璃整體崩花唔算多，但部分窗扇安裝出現虛位及有漏風問題。反而窗框保護不足，比較多崩花執色問題。另外，露台及工作平台掩門則留意五金 裝嵌細節，如：氣鼓Lock位暢順與否、天地鎖位置是否對準鎖窿等等。掩門虛位亦要留意，部分關上時甚至連手指都攝到罅位，除咗涉及滲漏問題，而且出現小朋友安全問題，分分夾到手指。露台燈燈罩邊位離罅，並非每座都有唧膠處理，雨季有機會攝水導致跳掣。 外牆除咗一般紙皮石空鼓及掃口不飽滿經常出現嘅問題之外，就係預製件夾口冇唧膠及冇黐紙皮石，甚出現大㝫，容易構成滲漏隱憂。業主其實唔難發現，望一望外牆，就見到，最難就冷氣機平台，通常係「豬腸」底。 另外，電熱水爐溫度控制器，九成出現連接不良，甚至連接唔到，業主們收樓記得試一試。 發展項目承建商：協興建築有限公司 地點：康城路1 號
了解更多

驗樓專家是來自香港工程業的專業團隊，從事相關工作超過10年。驗樓服務踏入第5年，檢驗超過150個屋苑，合共850以上名客户(截止2019年)。驗樓專家是你專業信心的保證，歡迎查詢:（852）5545 1740。

Follow Us :

Extra links

Newsletter

想了解更驗樓小貼士及優惠，歡迎留下您的電郵地址。

Copyright 2015 Professional Property Inspector Ltd All Rights Reserved.