YOO 18 BONHAM以單幢複式單位為主，檢驗單位已包室內裝修，用料設計時尚高雅，但部份略嫌欠恰當，驗收項目部分得分較低。

單位大部分玻璃都出現大量花痕，包括趟門、欄河及幕牆，雖然未有出現「子彈窿」，但花痕嘅數量好似「落雨水痕」一樣多，幸好不涉及安全問題，師傅耐心打磨便可解決。令人費解係屋苑不設吊船，但偏偏大部分窗都係幕牆玻璃，維修起來非常麻煩，日後清潔又係另一個問題。

大部分牆身都有木飾面遮蓋，只能憑經驗及儀器判斷批盪質素，但外露天花批盪則出較嚴重空鼓問題，需要「起底」處理。

地台及梯級舖貼石材都欠細心，有空鼓及起級問題，空鼓範圍都大過100x100mm，而起級都達2mm。

浴室部分設計略嫌欠恰當，水手盆位置插蘇位，現時有幾何仲係用圓腳？射燈又點會放企缸腰間位置？

發展項目承建商：新豪建築有限公司

地點：般咸道18號