West Park 係由酒店改裝成住宅發售，內籠以法式風格設計，廚櫃飾面有別於其他屋苑嘅顏色， 鍾唔鍾意其實就見意見仁見智。屋苑承建商屬於少見， 手工屬於中規中矩 。

單位由窗講起，窗戶玻璃少崩花，但窗扇壓條有虛位、起級、離罅嘅現象，部分窗框灰抆灰粗糙，甚至漏做。所有單位煤氣熱水爐掣面都係鬆，固定唔到宜唧膠代替。由於廚櫃飾面過於「特別」，崩花執色起來都比較覺眼，所以承建商保護一定要比其他木紋飾面更要做得好。櫃門安裝比較馬虎，不單只有櫃門虛位、起級、刮門等少見問題，部分櫃門搲手亦比較鬆。

浴室潔具方面，洗手盆水龍頭虛位，導致滲漏。廁所沖厠掣亦有回彈不良嘅現象。單位如浴室地櫃枱面石與浴屏碰口邊緣宜唧膠防止攝水入櫃邊，導致側板發霉。部分開放式廚房洗手盆隔氣駁口亦有滲漏。

值得一提，消防系統設計及擺位略欠美觀性及人性化，包括消防花灑外露及花灑喉佔據廚櫃大部分位置。浴室企缸應採用防滑磚或鞋面，減少使用者滑倒嘅可能性。

發展項目承建商：寶倡工程有限公司
地點：通州街256號