八、九月通常都係要驗樓嘅高峰期，所以忙到冇時間更新，不過會嚟緊會陸陸續續更新幾個新盤嘅驗樓報告，包括弦海、御半山 I 、上源、Malibu等等。

再次來到御半山，不過係二期手工整體手工係比一期要好，但部分問題仍然是老是常出現，包括：水龍頭鬆、窗玻璃崩花、牆身油漆掃痕明顯等等。

呢個盤採用鋁窗玻璃，而且玻璃屬於單層，更換時比較容易及價錢平，所以崩花及唔啱標準比嘅Defect，承建商通常更換處理。明顯二期鋁窗玻璃保護改善咗好多，只有一至兩成需要更換，但鋁窗框嘅飾面仍然有待改善，包括有崩花及油烘嘅問題。

另外，浴室洗水盆及開放式廚房星盆水龍頭都有鬆嘅情況，雖則水龍頭邊已經唧膠，但水龍頭始終未扭緊，一推就成個90度轉，要好好留意一下。

鋪磚手亦工比較好，露台紙皮石只有輕微空鼓，但室內牆身及地台鋪磚都有起級，呢個盤比較少見，而需要起磚重鋪。

值得一提，交樓前部分木地板已經更換，而色差比較明顯，雖則符合收貨標準內，但比較礙眼 。更換木地板時儘量拼好相對顏色接近，對避免出現色差明顯嘅情況。

發展項目承建商：添輝建築有限公司
地點：景秀里8號