已驗收數十間一房開放式、兩房及三房梗廚單位，以Malibu同一個承建商黎講，瑕疵(Defects)明顯少左好多，最顯著少左好多「防彈玻璃」，但外牆瑕疵部分仍然多，唔好好處理，容易引致滲漏隱患。

單位玻璃整體崩花唔算多，但部分窗扇安裝出現虛位及有漏風問題。反而窗框保護不足，比較多崩花執色問題。另外，露台及工作平台掩門則留意五金 裝嵌細節，如：氣鼓Lock位暢順與否、天地鎖位置是否對準鎖窿等等。掩門虛位亦要留意，部分關上時甚至連手指都攝到罅位，除咗涉及滲漏問題，而且出現小朋友安全問題，分分夾到手指。露台燈燈罩邊位離罅，並非每座都有唧膠處理，雨季有機會攝水導致跳掣。

外牆除咗一般紙皮石空鼓及掃口不飽滿經常出現嘅問題之外，就係預製件夾口冇唧膠及冇黐紙皮石，甚出現大㝫，容易構成滲漏隱憂。業主其實唔難發現，望一望外牆，就見到，最難就冷氣機平台，通常係「豬腸」底。

另外，電熱水爐溫度控制器，九成出現連接不良，甚至連接唔到，業主們收樓記得試一試。

發展項目承建商：協興建築有限公司

地點：康城路1 號