六月份主要驗收房協嘅屋苑包括翠鳴臺、翠嶺峰及綠怡雅苑，個屋苑都有唔同嘅承建商建造，各有「千秋」，但都唔係平時私人屋苑用開嘅承建商。

油漆批盪算係中規中矩，批盪空鼓比較多，算係意料之內嘅事。相比之下外牆紙皮石，不單只掃口不飽滿嘅現象，而且喉碼窿有缺口，有滲水隱患，所以承建商必須要處理。

至於窗戶玻璃，雖則崩花並不多，但部分設計欠恰當，有乜理由冷氣機喺正要中間，而冷氣機頂有加一隻窗，雖則唔關承建商事，成件事好唔合理。另外，露台掩門有虛位及漏風現象，主要係因為門框壓膠擺位欠恰當，導致關閉時啲力不能平均壓實門扇，所以要好好調整一下。

發展項目承建商：新福港營造有限公司

地點：鳴琴路3號